2023 елда хезмәт хакы арту ихтимал булган һөнәрләр билгеле
Кадрларга кискен кытлык кичерә торган секторларда хезмәт хаклары артырга мөмкин. Бу хакта «Прайм» агентлыгына Иҗтимагый элемтәләрне үстерү компаниясенең персонал буенча директоры Дмитрий Дударев хәбәр иткән.
Белгеч сүзләренчә, хезмәт хаклары арту IT һәм төзелеш тармакларында, шулай ук транспорт һәм идарә өлкәсендә дәвам итәчәк.
Дударев сүзләренчә, эшче куллар, инженерлар, техник һәм медицина белгечлекләре вәкилләре, социаль хезмәткәрләр, җитештерү һәм авыл хуҗалыгы тармаклары хезмәткәрләре кирәк булган өлкәләрдә персоналның аеруча җитмәве күзәтеләчәк.
Моннан тыш, белгеч Россиянең Көнчыгышка йөз тотуын искәртте. Шуңа күрә киләсе елда кытай һәм гарәп телләрен белүче белгечләргә аеруча ихтыяҗ булачак.
Следите за самым важным и интересным в Telegram-каналеТатмедиа
Нет комментариев