Сусыл чиядән

Июль җиләк-җимешләрнең мул чоры.

Уңган хуҗабикәләр барысын да файдалана. Менә сусыл булып пешкән чиядән телеңне йотарлык чия пирогы пешергәннәр. Ул гади шарлотка төсле: өч йомырка, 1 стакан шикәр комы һәм сода белән күбекләнгәнче болгатасы, шуңа бер кашык каймак яки кефир саласың, 1 стакан он белән болгатасың. Майлы табага шул камырның яртысын салып, өстенә төше алынган чия тезәсе, калган камырны өстенә ябасың. Духовкага куеп 30-35 минут пешерәсең. Тәмле булсын чәйләрегез!