Туфан Миңнуллин Музее

Тасвирлама:
Музейның уникаль тарихы бар. Бинаның проекты һәм хуҗалык корылмалары Туфан Миңнуллин белән килештерелгән, ул исән чагында ук булачак музей бинасын күрә ала.
Эш вакыты:
Дүш-җом 08:00 – 17:00
Төшке аш тәнәфесе:
12:00 – 13:00
Телефон:
- 8 (84377) 2-18-01
Адресы:
Кама Тамагы ш. т. б., Карл Маркс ур., 106Б й.

2010 елда район үзәгендә музей булдыру турында Карар кабул ителә. Беренче катта экспозиция урнашачак, ә икенче катта драматург районга килү вакытында яшәячәк, эшләячәк, кунаклар кабул итәчәк, дип планлаштырылган иде. Туфан Миңнуллин үзе булачак музей фондларын туплауда актив катнаша: үзенең шәхси әйберләренең бер өлешен, фотосурәтләр, язу кирәк-яраклары, грамоталар коллекциясен, портретларын тапшыра. Экспозиция ике катлы. Музейның беренче катында рәсми һәм шәхси (гаилә) чыгышлы төрле документлар, иҗади мирас кулъязмалары; мебель, ашханә җиһазлары, көнкүреш һәм декоратив әйберләр, төрле аксессуарлар кергән әйберләр чыганаклары тәкъдим ителгән. Музейның икенче катындагы беренче бүлмәдә биография битләре: фотосурәтләр, фотокопияләр урнаштырылган. Икенче бүлмәдә-язучының шәхси китапханәсе, шулай ук бүлмә әдәби салон булып тора. 2012 елның көзендә музей территориясендә алма, чия, слива, груша агачлары утыртылды. Бүген килүчеләргә бу бакчаның уңышы белән сыйлану мөмкинлеге бар.