Район данын яклап

Соңгы елларда Олы Салтык урта мәктәбе командасы 3 ел рәттән район чемпионы исемен яулый. Быелгы волейбол ярышында да район чемпионы исемен яулады.

Җиңгән команда физкультура укытучысы Рамил Вафин җитәкчелегендә Тәтеш районында үткәрелгән ярышларда 7 район арасында көч сынашты. Кама Тамагы татар урта мәктәбеннән Әскәров Данияр, Олы Кариле урта мәктәбеннән Гыйззатуллин Марат, Шәйхетдинов Нияз, Олы Салтык урта мәктәбе егетләре үзләренең бөтен көчләрен куеп район данын яклады. Финал ярышында безнең команда Тәтеш һәм Кама Тамагы уенчылары арасындагы беренче уенда 23:25, икенче уенда - 25:23, өченче уенда - 13:15 исәбе белән икенче урын яулады. Киләчәктә җитәкчеләренә һәм укучыларга тагын да зур уңышларга ирешүләрен телибез.