Кама Тамагында яңа волейбол мәйданчыгы барлыкка килде

Яңа волейбол мәйданчыгы күптән түгел «Стройка+» кибете янында ачылды. Бу поселокның битараф булмаган кешесе Җәүдәт Дәминов ярдәме белән мөмкин булды. Ул бер ел элек җитәкләгән район чик сакчылары җәмгыяте әгъзалары да аны хуплаган. Исегезгә төшерәбез, Җәүдәт Дәминов Агрошәһәрчектә Яңа ел ялларында ел саен үткәрелә торган кар өстендәге футбол ярышларының инициаторы да. Ул ел саен үз йортын Яңа ел темасына бизәүдә актив катнаша. Поселокның әлеге актив кешесе күршеләрен дә иҗтимагый эшчәнлеккә җәлеп итеп, микрорайон тормышына ямь бирә.

Авыл җирлеге башлыгы урынбасары Владимир Сороковнин Җәүдәт Дәминовка актив гражданлык позициясе өчен рәхмәт белдерде, яшьләр эшләре һәм спорт бүлеге җитәкчесе Илназ Хөснетдинов аңа районда спортны үстергәне өчен Рәхмәт хаты тапшырды.

Мәйданчык ачылышында тасманы кисү хокукы махсус хәрби операциядә катнашучы Андрей Самойловка бирелде.