Кама Тамагы мәктәпләре укучылары арасында шахмат буенча ярышлар узды.

Мәктәптән тыш эшләр үзәге директоры Люция Заһидуллина үзенең сәламләү чыгышында билгеләп үткәнчә, шахмат буенча ярышлар районда яңа ел алдыннан инде өченче тапкыр уза. Шулай ук Люция Ильяс кызы чараның иганәчесе - "Наш дом" идарә компаниясе директоры Рамил Галимовка рәхмәт әйтте. Ярышларны үткәрүдә муниципаль район башкарма комитеты җитәкчесенең төзелеш һәм торак-коммуналь...

Мәктәптән тыш эшләр үзәге директоры Люция Заһидуллина үзенең сәламләү чыгышында билгеләп үткәнчә, шахмат буенча ярышлар районда яңа ел алдыннан инде өченче тапкыр уза.

Шулай ук Люция Ильяс кызы чараның иганәчесе - "Наш дом" идарә компаниясе директоры Рамил Галимовка рәхмәт әйтте.
Ярышларны үткәрүдә муниципаль район башкарма комитеты җитәкчесенең төзелеш һәм торак-коммуналь хуҗалык буенча урынбасары Мөнир Нотфуллин да ярдәм күрсәтте. Ул уен алдыннан балаларга берничә сүз әйтте: "Шахмат күптәнге һәм мавыктыргыч уеннарның берсе булып санала. Аны төрле яшьтәге кешеләр дә уйный ала. Ул - кешенең сүзсез дә бер-берсен аңлап уйнавы. Шахматчыларның үз теле бар: аклар белән йөрисең, каралар белән җавап аласың. Иң мөһиме - көндәшеңнең уйларын алдан белү".
Чараны оештыручылар - мәгариф идарәсе һәм яшьләр эшләре һәм спорт бүлеге, мәктәптән тыш эшләр үзәге.
Ярышларда Кама Тамагы, Затон, Рудник, Кама Тамагы татар, Тәмте, Олы Кариле, Иске Казиле, Келәнче, Сөйки, Красновидово, Кирельск, Кадет мәктәбеннән 42 укучы катнашты. Укучыларның яше - 7 яшьтән алып һәм аннан өлкәнрәкләр.
Командалар арасында көрәш бик көчле булды. Ярышларда катнашучылар партияләр уйнаганда көндәшләренә "шах" һәм "мат" куярга тырышып озак баш ваттылар.
Җиңүчеләр мәгариф идарәсе мактау кәгазе һәм медальләр белән бүләкләнделәр.
7дән 13 яшькә кадәрге төркемдә 1 урынны Кама Тамагы мәктәбеннән Раидә Хәбибуллина алды, 2 урында - Тәмте мәктәбеннән Динара Әбелханова, 3 урында - Сөйки мәктәбеннән Полина Борисова. Малайлар арасында шул ук яшь категориясендә: 1 урында - Тәмтедән Серафим Лопатин, 2 урында - Кама Тамагыннан Рамилә Хәбибуллина, 3 урында - Тәмтедән Әдилә Әбелханова.
14 яшьтән 18 яшькәчә төркемдә кызлар арасында Олы Кариле мәктәбеннән Әдилә Сөнгатуллина җиңүче дип табылды, 2 урында Сөйки мәктәбеннән Екатерина Григорьева, 3 урында Тәмте мәктәбеннән Алия Зарипова. Малайлар арасында 1 урынны Олы Кариле мәктәбеннән Айдар Сөнгатуллин яулады. 2 урында - Затоннан Никита Наумов, 3 урында - Олы Кариледән Илмир Гафаров.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 25 декабрь 2019 - 13:41
    Кама Тамагы: Яңа елны каршылыйбыз
  • 25 декабрь 2019 - 13:40
    "Туган як/ Родной край" форумында катнашучыларны Рудник урта мәктәбенең укытучылар һәм укучылар коллективы җылы каршы алдылар
  • Идел буйлап Рейд
  • Кирельский авылында мәдәният йорты
  • 9 май - Җиңү көне
  • 13 апрель 2020 - 15:22
    8793
    0
    1
  • 13 апрель 2020 - 15:21
    7839
    0
    1
  • 5 июль 2019 - 10:49
    Уведомления В соответствии со ст. 62 Избирательного кодекса Республики Татарстан № 21 –ЗРТ от 07.05.2007 редакция газеты Идел таннары (Волжские зори) (свидетельство о регистрации СМИ ПИ № ТУ16-01032 от 16 мая 2013 года) информирует, что общий объем бесплатной печатной площади, предоставляемой для проведения предвыборной агитации, в период с 10.08.2019 и до 0 часов 07.09.2019 составляет 2752 кв. см.
    7800
    0
    1