Финалда катнаштылар

Узган атнада 5-6 сыйныф укучылары җыелма командасы Яр Чаллыда үткәрелгән «Мәктәптә мини-футбол» Бөтенроссия проектының республика финалында катнашты.

- Ярышларда Казан, Яр Чаллы, Әгерҗе һәм Кама Тамагыннан җиде команда катнашты, - ди Затон урта мәктәбе директоры Александр Сорокин. - Киеренке көрәштә футболчыларыбыз пенальти да гына оттырып, III урынны алды. Командага финалда катнашырга ярдәм иткән һәркемгә рәхмәт. Болар - «Өмет яры» приюты директоры Вера Савосина, автобус шоферы Владимир Сальтин, яшьләр эше һәм спорт җитәкчесе Вячеслав Поздняков, балалар-яшүсмерләр спорт мәктәбе директоры Денис Дмитриев һәм мәгариф бүлеге җитәкчесе Илшат Гомәров.