Хәрби частьтан алып кадет мәктәбенә кадәр

Наталья Денисова хәрби табибка кияүгә чыга һәм аның белән Венгриягә китә, анда аларның хәрби часте урнашкан була.

- Ауропадан соң безне Хабаровск өскәсенә җибәрделәр. Биредә мине шунда ук инглиз теле укытучысы итеп эшкә алдылар, мәктәп директоры беренче көнне үк безгә килде, минем турыда белеп, көтеп тора иде. Мәктәп урнашкан авыл чик буе зонасында иде. Уссури елгасының бер ярында СССР, икенчесендә – Кытай. Шуңа күрә эшкә көн саен паспорт белән генә керә идек.

Аннары 7 ел Сахалинда үтте. Монда мин хәрби частьтә эш таптым һәм рядовойдан алып прапорщикка кадәр хезмәт юлы уздым, яшерен бүлек җитәкчесе булдым.

Сахалиннан соң Удмуртия - Сарапул шәһәре. 12 нче гимназиядә эшләдем, ул – беренче тапкыр теракт булган совет мәктәбе буларак билгеле. Аның диварларында пуля эзләре калган иде (30 ел узгач, Ижауда яңа теракт– ред.). Сарапул ошамады. Ул вакытта шәһәр бик шыксыз, күңелсез иде. Олы кызым кияүгә чыгып, Татарстанга күчеп китте. Без Балтачка кодаларга кунакка барырга булдык. Зәмһәрир суыкта «КамАЗ»да барып җиттек. Безне башта Олы Карилегә кадәр, аннары ат җигелгән чаналарда Балтачка илттеләр. Анда без 1997 елны каршы алдык.

Ирем хәрби хезмәттән китте, без тораксыз, эшсез калдык. Барысын да яңадан башларга кирәк иде. Шул җәйдә Кама Тамагына күчәргә карар кылдык.  Шулай килеп чыкты: мине Тәмте мәктәбенә эшкә җибәрделәр, ирем җирле училищега урнашты, ләкин торырга урыныбыз юк иде. Кыш көне арендага алынган йортта яшәдек, тик җәй көне дә бу мәсьәлә хәл ителмәде.

Татьяна Гращенкова ярдәме белән без Кама Тамагына килеп чыктык, бераз соңрак безгә фатир бирделәр, иремә дә хастаханәдә эш табылды.

Мин 17 ел Кама Тамагы мәктәбендә директор, аның урынбасары, педагог булып эшләдем. Соңгы 10 елда берьюлы  Рудник, Сөйки, татар мәктәпләрендә чит тел укыттым. 2014 елда  кадет мәктәбенә эшкә килдем һәм бу сайлау ясаганыма бик шатмын. Хезмәт юлым хәрби өлкәдә башланып китте, күрәсең, шуның белән тәмамланыр да.