Әтиләр советы сакта тора

Затон урта мәктәбенең Әтиләр советы белем бирү учреждениесе тормышында актив катнаша. Әтиләр сыйныфта җиһазларны урнаштырырга, спорт һәм патриотик чаралар уздырырга яки Яңа ел инсталляцияләрен корырга, балалар укыган мәктәп территориясен тирә-юньдәгеләрнең кәефен күтәрү өчен бизәргә ярдәмгә килә.

Ә кичләрен әтиләр бистә урамнарына кизү торырга чыгалар. Ир-атлар балигъ булмаган балаларның төнге вакытта өйдә булырга тиешле турындагы кануннарның үтәлешен контрольдә тота. Исегезгә төшерәбез, Россиядә 71 нче номерлы Федераль закон нигезендә балаларга һәм 18 яшькә кадәрге яшүсмерләргә урамда өлкәннәрдән башка 22.00 дән соң урамда йөрү тыела.

Билгеләп үтәргә кирәк, Куйбышев Затонында бу таләп тайпылышсыз үтәлә. Яңа ел каникуллары вакытында кич белән урамнарда бер генә укучы да күренмәгән. Әтиләрнең кичке сәфәрләрендә еш кына укучыларның әниләре дә озата бара, алар саф һавада йөрү белән беррәттән тикшерү дә үткәргән.

Кама Тамагында шулай ук Кама Тамагы урта мәктәбенең Әтиләр советы вәкилләре сыйныф җитәкчеләре белән берлектә җәмәгать урыннарында, шугалакта һәм Комаров урамында җәмәгать тәртибен һәм мәктәп укучыларының куркынычсызлыгын контрольдә тоту өчен, кичке бистә буенча көндәлек рейдларга чыкканнар. Кизү тору сәгать 19.00 дән башланган һәм кичкә кадәр дәвам иткән.

Кама Тамагы урта мәктәбе директоры Елена Закирова әти-әниләр сыйныфларда җиһазларга ремонтлар ясарга, су эчү режимын тәэмин итәргә, гомуммәктәп бәйрәмнәре һәм ярышлар уздырырга ярдәм итә, Әтиләр советы ел саен Аҗаган үткәрүдә һәм балаларны сафта йөрү һәм җыр смотрына әзерләүдә катнаша, дип сөйләде.

Район Әтиләр советы рәисе Николай Егоров укучыларның әтиләре контактка барулары һәм укытучыларга эшләрендә ярдәм итүләре турында әйтте. Яңа ел алдыннан район ата-аналар комитеты рәисе Елена Егорова һәм Кама Тамагы районында бала хокуклары буенча вәкаләтле вәкилнең җәмәгать ярдәмчесе Энҗе Гыйниятова белән авыр тормыш хәлендә калган гаиләләрдәге балалар янына барып, бүләкләр бирделәр һәм якынлашып килүче бәйрәм белән котладылар, дип хәбәр итте.

Николай Иванович мондый профилактик эшнең мөһимлеген ассызыклады һәм киләчәктә дә Әтиләр советының балаларны һәм яшүсмерләрне тәрбияләүдә укытучыларга ярдәм итәргә планлаштыруын билгеләп үтте.