Сынау имтиханы

18 мартта Затон урта мәктәбе базасында 9 сыйныф укучылары өчен рус теленнән сынау имтиханы үткәрелә.

Имтиханда 175 укучы катнашачак. Бу тугызынчы сыйныфлар өчен икенче сынау имтиханы. Районда 11 сыйныф чыгарылышлары өчен 4 имтихан үткәрелде инде. Аларның икесе түләүле нигездә, мәгариф идарәсе инициативасы, мәктәп һәм ата-аналар комитеты хуплавы белән иде. Ел саен әлеге эш яхшы нәтиҗәләр бирә. Укучылар дулкынлануларын җиңәргә, көч һәм вакытларын бүләргә, өстенлекле биремне ачыкларга өйрәнә.