Кама Тамагы 1 курс студентлары мәктәптә югары сыйныф укучылары белән очрашуда катнаштылар

Мәктәп укучылары өчен февраль башы - уку вакыты, ә студентлар өчен - кышкы сессиядән соң ял итү һәм белем өлкәсендә яңа җиңүләр яулау өчен көч туплау чоры.

Әмма алар туган мәктәпләре өчен дә вакыт табалар. Төрле уку йортларының 1 курс студентлары Кадрия Хәйруллина, Рузель Сергеев, Радик Нигмәтуллин югары сыйныф укучылары белән очрашуда катнашалар, студент тормышының кыенлыклары һәм шатлыклары, мәктәптә һәм институтта укуның аермалы яклары турында сөйлиләр. Студентлар югары сыйныф укучыларының күптөрле укырга керүдә үзенчәлекләр һәм керү баллары, тулай торактагы урыннар булу-булмавы, белем бирү системасындагы балл системасы, укытучылар мөнәсәбәте һ.б турындагы сорауларга җавап бирәләр. Мондый очрашулар мәгълүмат кына биреп калмый, күрешү шатлыгы да бүләк итә.