Кадет мәктәбендә Муса Җәлилгә багышланган дәрес үткәрелде

Кадет мәктәбендә татар теле һәм әдәбияты укытучысы Мәйсәрә Идрисова бөек татар шагыйре Муса Җәлилгә багышлап, 5-6-7 сыйныфларда тематик дәрес үткәрде.

Укытучы укучыларга Муса Җәлилнең (Җәләлов) кыскача биографиясе, шулай ук аның иҗат һәм сугышчан юлы турында сөйләде. Укучылар Бөек Ватан сугышы башлангач шагыйрьнең фронтка китүе, 1942 елда әсирлеккә эләгүе хакында сөйләде. Тоткында булганда да ул "Моабит дәфтәре" циклына кергән шигырьләр яза (аны камерадашы иреккә алып чыга һәм 1957 елда Ленин премиясенә лаек була). Муса Җәлил 1944 елның 25 августында Берлинда җәзалап үтерелә.