Хуш, мәктәп!

Узган шимбәдә Кама Тамагы урта мәктәбендә соңгы кыңгырау бәйрәме булды.

Быел 16 егет һәм 17 кыз укуларын тәмамлады. Бу атнада имтиханнары башлана. Аларны өлкәннәр тормышына беренче адымнары белән муниципаль район башлыгы Зөфәр Гарәфиев, мәктәп директоры Елена Гыймадиева, укытучылар, әти-әниләр, беренче һәм унынчы сыйныф укучылары котлады. Гадәт буенча чыгарылышларга торт бүләк иттеләр, ә алар рәхмәт йөзеннән мәктәп вальсы башкарды. Төрле төстәге шарлар хыялый теләкләр белән күккә очты, уй-текләкләре чынга ашсын!