Финанс грамоталыгы көне

Укучылар алдында финанс учреждениеләре, банк, казначылык, инвестиция фонды хезмәткәрләре чыгыш ясады. Затон урта мәктәбендә өлкән сыйныф укучылары каршына Кама Тамагы һәм Апас районнарында Пенсия фонды идарәсе җитәкчесе Илмир Гыйлметдинов чыкты. Ул укучыларга аларның булачак пенсияләрен формалаштыру принциплары, бүген эшләүче һәр гражданин алдында ачылган мөмкинлекләр, электрон дәүләт хезмәтләре ярдәмендә үзеңнең пенсия тупланмасын контрольдә тоту, булачак пенсияне арттыру өчен дәүләт программаларын куллану, эшкә урнашканда нәрсәгә игътибар бирергә кирәклеге һәм башкалар турында сөйләде.
Ахырдан Илмир Илдус улы укучыларга мәгълүмати әдәбият таратты.