Биредә өйдәге кебек җылы һәм уңай + ФОТО

Авыл мәктәбе үзенчә матур, монда үзгә бер мохит. Шәһәр лицейларына һәм гимназияләренә көндәш булмаса да, профильле муниципаль мәктәпләр белән ярыша алмаса да, авыл мәктәбенең атмосферасы бөтенләй икенче, биредә өйдәге кебек җылы, рәхәт.

Келәнче гомумбелем бирү төп мәктәбе- үз традицияләре булган, җылы мөнәсәбәтләр тудырган авыл мәктәбе. Монда һәрвакыт кунакларны якты йөз белән каршы алалар, укучылар үзләрен өйдәге кебек хис итә, ә укытучылар мәктәпне матур һәм уңайлы итү өчен бар көчләрен куя. Мәктәп ишегалдын инглиз теле укытучысы Резедә Мөхәммәдуллина һәм мәктәп директоры Илшат Гыймранов куллары белән эшләнгән цементтан фигуралар бизи.

Матур чәчәк клумбалары, Җиңүнең 70 еллыгына багышлап төсле пластмасс кашыклардан инсталяция- барысы да ихлас күңелдән, зәвык белән эшләнгән.

Мәктәп яны бакчасындагы яшелчәләр төрлелегенә теләсә нинди бакчачы көнләшерлек. Алар барысы да укучылар өстәленә бара. Чөгендер, кишер, суган, кәбестә уңышы саклана, ә помидор һәм кыярны аш пешерүче Рәсимә Камалиева үзенең ярдәмчеләре белән консервлый. Шуңа да мәктәптә туклану өчен түләү поселокларыбыз мәктәпләрендәге түләүгә караганда күпкә азрак. Педагоглар белән мәктәп эшләре турында сөйләшкәндә фән укытучыларының җитәрлек булуын белдек. Коллектив балаларга барысын да бирергә тырыша - әхлакый-рухи кыйммәтләрне сеңдерү, туган якка мәхәббәт тәрбияләү, тарих, шәҗәрәләр белән кызыксыну уяту, укучыларны чын кешеләр итеп үстерү өчен бөтен көчләрен куялар биредә. Бу гади генә авыл мәктәбендә бар җирдә дә тәртип. Бары тик укучыларның гына елдан-ел кимеп баруы кызганыч.

Бу күп кенә авыл мәктәпләренә хас күренеш. Мәктәп ишегалдында нәни балалар уйный- мәктәп бинасында балалар бакчасы да урнашкан. Әлеге бер кайгысыз кечкенә балалар укытучыларның өмете. Алар булса, мәктәп эшләп торыр. Ә мәктәп булса, авыл да яшәр.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 25 декабрь 2019 - 13:41
    Кама Тамагы: Яңа елны каршылыйбыз
  • 25 декабрь 2019 - 13:40
    "Туган як/ Родной край" форумында катнашучыларны Рудник урта мәктәбенең укытучылар һәм укучылар коллективы җылы каршы алдылар
  • Идел буйлап Рейд
  • Кирельский авылында мәдәният йорты
  • 9 май - Җиңү көне
  • 13 апрель 2020 - 15:22
    8376
    0
    1
  • 13 апрель 2020 - 15:21
    7587
    0
    1
  • 5 июль 2019 - 10:49
    Уведомления В соответствии со ст. 62 Избирательного кодекса Республики Татарстан № 21 –ЗРТ от 07.05.2007 редакция газеты Идел таннары (Волжские зори) (свидетельство о регистрации СМИ ПИ № ТУ16-01032 от 16 мая 2013 года) информирует, что общий объем бесплатной печатной площади, предоставляемой для проведения предвыборной агитации, в период с 10.08.2019 и до 0 часов 07.09.2019 составляет 2752 кв. см.
    7469
    0
    1