Балаларның иҗатын сәләтен үстерү

Тәмте авылының "Аленушка" балалар бакчасында Апас, Буа, Кайбыч, Югары Ослан, Тәтеш һәм Кама Тамагы районнарын мәктәпкәчә яшьтәге мәгариф оешмалары тәрбиячеләре, мәгариф идарәсе методистлары катнашында мәктәпкәчә мәгариф оешмалары тәрбиячеләренең зона семинары үткәрелде.

Семинар безнең район турында видеоролик күрсәтүдән һәм район мәктәпкәчә мәгариф оешмаларының иҗат эшләре күргәзмәсеннән башланды. Район мәгариф идарәсе җитәкчесе Илшат Гомәров барлык хатын-кызларны Әниләр көне белән котлап, семинарда уңышлы эшләүләрен теләде. Аннары семинарда район мәктәпкәчә мәгариф оешмалары тәрбиячеләре һәм кунаклар чыгыш ясады.