Әлифба бәйрәме

Безнең мәктәптә китапка мәхәббәт тәрбияләү, укучыларның сәләтен үстерү максатыннан беренче дәреслек - Әлифба белән саубуллашу бәйрәме үткәрелде.

Сыйныф җитәкчесе Нурзия Гайнетдинова 1 сыйныф укучыларын, әти-әниләрен бәйрәм белән котлады. «Әлифба бәйрәме -кечкенәләрнең ярты еллык эшенә йомгак ясау тантанасы ул, укучылар барысы да укырга, язарга, матур сөйләргә, әдәпле булырга, өлкәннәрне, кечкенәләрне ихтирам итәргә, ирешкән уңышларга шатланырга, ярдәмчел булырга өйрәнделәр», - диде. Беренчеләрне 5 сыйныфтан әкият геройлары булып киенгән Илзирә Вәлиева, Эльвина Мөхәммәдуллина, Айсылу Сабирова тапкырлыкта, зирәклектә сынап карадылар. Беренчеләр исә үзләренең инде шактый мәгълүматлы булуларын күрсәттеләр. Бәйрәм чәй табыны артында дәвам итте.