Афәрин!

18 майда Рудник урта мәктәбенең татар теле һәм әдәбияты укытучысы Гөлүсә Хәсәнова I республика фәнни-тикшеренү конференциясендә катнашты.
Аның «туфан Миңнуллин - җәмәгать эшлеклесе» дип исемләнгән эше 89 эш арасыннан көндезге турга сайлап алынды.
Гөлүсә Илсур кызы Туфан Миңнуллинның районыбызда югалган Җәмәки, Суыксу авылларын мәңгеләштерү эшен яктыртты, районыбыз мәктәпләрендә язучы-драматург әсәрләрен өйрәнү турында сөйләде.
Гөлүсә Хәсәнова эше III урынны алды һәм ул Татарстан Республикасы Мәгариф һәм фән министрлыгы дипломы белән бүләкләнде.