Йомгаклау туры

1-3 ноябрьдә Казанның Сәид-Галиев исемендәге мәдәният сараенда "Иделкәем" балалар-яшүсмерләр һәвәскәр театр һәм курчак коллективларының республика сморт-конкурсының йомгаклау туры үткәрелде.

Сморт-конкурсны ТР Мәдәният министрлыгы һәм традицион мәдәниятны үстерүнең республика үзәге оештырды. Конкурс максаты - балалар театр иҗатын үстерү, балаларны рухи һәм әхлакый тәрбияләү, үзенчәлекле балалар-яшүсмерләр һәвәскәр театр коллективларын ачыклау. Йомгаклау турында катнашу өчен Әтнә, Алексеевск, Мөслим, Мамадыш, Әлмәт, Чүпрәле, Бөгелмә, Тукай, Теләче, Кама Тамагы районнары, Башкортстанның Дүртөйле районы, Зәй, Азнакай һәм Казан шәһәрләре теарт коллективлары сайлап алынды. 1 ноябрьдә безнең районнан Затон клубының "Вообрази" театр коллективы катнашты. Алар балалар бәйрәмен тантаналы ябу вакытында сморт-конкурста катнашучылар дипломы белән бүләкләнәчәк.