«Тау ягы» коллективы концерты

6 октябрьдә Кече Мәрәтхуҗа авыл мәдәният йортында "Тау ягы" коллективының (җитәкчесе Әнәс Мәһдиев) күчмә концерты булды.

Клуб фойесында өлкәннәр өчен чәй табыны әзерләнгән иде. Бәйрәм чарасын МР башкарма комитет җитәкчесе урынбасары Илдан Шәйморзин ачып, район башлыгы исеменнән авыл өлкәннәрен бәйрәмнәре белән котлады. Кече Салтык җирлеге башлыгы Айрат Җиһаншин да өлкән буынны котлап, җылы теләкләрен җиткерде. "Тау ягы" фольклор коллективы һәм Суфия Гобәйдуллина чарада катнашучыларны яраткан җырлары һәм биюләр белән сөендерде.