Музейда булдылар

Гаилә һәм балага ярдәм итү бүлеге Гаилә һәм мәхәббәт көненә багышланган икенче чара үткәрде.

Бу юлы аларга ярдәмгә Красновидово музее директоры Ольга Гришукова килде. Кама Тамагыннан алты бала һәм тернәкләндерү бүлегендә ял итүче ханымнар авыл музеенда кунакта булды. Хуҗабикә Ольга Гришукова кунакларга 18-19 гасырда рус гаиләсе гореф-гадәтләре турында сөйләде һәм сәяхәт ясады. Музей каршындагы аланлыкта оештырылган уен әлеге визитның дәвамы булды. Чара музейнең алма бакчасында чәй табыны артында тәмамланды.