Китап укучыларга якынайсын өчен

Әдәбият елы үз көченә керде. Район китапханәләрендә аның кысаларында чаралар планы эшләнгән.

Авылара үзәк китапханәдә РФда Әдәбият елына һәм ТРда 2015 елда Парклар һәм скверлар елына багышланган күргәзмә оештырылган. Күргәзмә авторы - китапханәче Миләүшә Заһретдинова.

Хезмәттәшләре әйтүенчә, китапханәче әдәбият сайлау һәм стендлар бизәү белән генә шөгыльләнеп калмыйча, МЦБ каршында китапханә эше музеен оештыруга да зур өлеш кертә. Музей узган гасырның туксанынчы елларында булдырылган. Бүген, реставрация эшләреннән соң экспонатлар һәм яңа экспозиция ләр белән тулыландырылган музей, китапханәнең төрле еллардагы эше турында сөйли. Биредә китапханә кайчандыр урнашкан иске бина макетлары да бар, кунаклар бай әдәби һәм тарихи материаллар карый ала.