Кеше китә, җыры кала

Туфан Миңнуллин исемендәге Түбән Кама татар дәүләт драма театры өч көн - 12, 13, 14 февральдә безнең районда (Кама Тамагы, Олы Салтык, Затон) тамашачы игътибарына якташыбыз, язучы-драматург Туфан аганың "Син мине күрәсеңме?" исемле музыкаль әсәрен тәкъдим итте.

Әлеге тамашада халык рәхәтләнеп ял итте. Тамашаларның соңгысында МР башлыгы исеменнән Татарстан Республикасының атказанган сәнгать эшлеклесе, Түбән Кама татар дәүләт драма театрына нигез салучы, актер, режиссер Рөстәм Галиевка Рәхмәт хаты тапшырылды. Артистлар Туфан Миңнуллин музеена да сәяхәт кылды.