Хәйрия чыршысы

7 гыйнварда район үзәге мәдәният йортында районның мөмкинлекләре чикләнгән һәм аз тәэмин ителгән гаиләләрдәге балалар өчен матур гадәткә әверелгән Яңа ел хәйрия чыршысы үткәрелде.

Район мәдәният йортының иҗат коллективы инвалид балалар өчен "Золушка" әкиятен сәхнәләштергән иде. Матур һәм күңелле тамаша акрынлап дискотека залына күчте. Балалар Кыш бабайга һәм Кар кызына шигырьләр укыды, чыршы тирәли уйнады.Ахырдан балаларга Кыш бабай тәм-томнардан торган Яңа ел бүләге өләште.

100 мең сум күләмендә хәйрия ярдәме күрсәткән "Петропавловск" хәйрия фонды булышлыгы белән балалар өчен Яңа ел чыршылары үткәрелде.