Бу беренче адымнар гына

Район мәдәният йортында якташыбыз Туфан Миңнуллин турындагы документаль фильм икенче тапкыр күрсәтелде.

Беренче тапкыр аны 24 апрельдә Казан шәһәренең "Мир" кинотеатрында күрсәттеләр. Фильм Туфан аганың камерага сөйләгән җиде сәгатьлек соңгы монологыннан эшләнгән. Тамашачыларны язучының туган ягына килгән кунаклар белән дә таныштырдылар. Алар арасында ТР Дәүләт Советы депутатлары һәм җәмәгать эшлеклеләре дә бар иде (депутатлар Җәмил Яхудин, Илсур Сафиуллин, РКБ баш табибы Рәшит Аббасов, ТР милек һәм җир мөнәсәбәтләре министры Азат Хамаев).