Бөек Ватан сугышы интернет-музее

Хәзерге вакытта Җиңүнең 70 еллыгана чаралар программасы кысаларында республикада 1941-1945 еллардагы Бөек Ватан сугышына багышланган интернет-музей өчен материаллар җыю эше алып барыла.

28 августта районга интернет-музей контактын рәсмиләштерү эшен алып баручы иҗат төркеме килде. Виртуаль музей оештыру программасы дәүләт, муниципаль һәм мәктәп музейлары коллекцияләрен фотога төшерү һәм сканерлаштырудан, сугыш еллары вакыйгаларына бәйле биналар һәм учреждениеләрне, һәйкәлләрне һәм мемориалларны видеога төшерүдән, Бөек Ватан сугышында катнашучылар һәм ветераннарының, тыл хезмәтчәннәренең, сугыш чоры балаларының истәлекләрен видеотөшерү һәм аудиояздырудан гыйбарәт.