Юбилейга кушылган һөнәри бәйрәм

60 ел элек Куйбышев сусаклагычы булдыру алдыннан Спас Затоны поселогы Иделнең сул ярыннан уң ярына күчерелә һәм Куйбышев Затон итеп үзгәртелә. Елгачылар поселогы Затонның яңа тарихын нәкъ менә шул вакыттан саный.

3 июльдә "Водник" стадионында чараларга бай бәйрәм көне үткәрелде. Затонлылар поселок көнен гадәттә һөнәри бәйрәм - Елга һәм диңгез флоты хезмәткәрләре көненә туры китерә. Чараның тантаналы өлешен шәһәр җирлеге башлыгы вазыйфаларын баш-каручы Николай Ефимов ачты. Ул авылдашларын бәйрәм белән котлады, елгачыларга һәм завод эшчеләренә, аларның гаиләләренә һәм туганнарына яхшы кәеф теләде. Район җитәкчелеге исеменнән затонлыларны бәйрәм белән МР башкарма комитеты җитәкчесе урынбасары Елена Сороковнина котлады. Тантанада һөнәриләрне дә билгеләп үттеләр. Куйбышев исемендәге РБФ ЯАҖ генераль директоры Наил Вазыйхов поселок халкын бәйрәм белән тәбрик итте. Ул 15 эшче һәм инженер-техник хезмәткәргә предприятиенең Мактау грамоталарын һәм премияләр тапшырды. Алар арасында матрос Надия әскәрова һәм баш инженер Александр Глонин, суднолар ремонтлаучы Евгений Ирдинкин, икътисадчы Алексей Ложкин һәм башка бик күпләр.

Елгачылар ел саен бәйрәмдә к атнаша алмый, әмма алар исеменнән авылдашларын бәйрәм белән "Башволготанкер" СК файдалану участогы директоры Евгений Фурутин котлады. Биредә судноларны ремонтлаучы завод шәһәр оештыручы предприятие булып тора, әмма бер генә поселок та социаль инфраструктурасыз булмый. Быел Затон урта мәктәбе дә юбилеен билгеләп үтә. Дөрес, биредә отчет күпкә иртә башланган, шуңа күрә мәктәпнең 80 еллыгы билгеләп үтеләчәк. Поселокны һәм елгачыларны мәктәп директоры Александр Сорокин да котлады.

Бәйрәмдә юбилярларга - поселок яшьтәшләренә дә урын табылды, дөресрәге бу көнне туган көннәрен билгеләп үтүчеләрне хөрмәтләделәр. Тантананы поселок һәм районның үзешчән артистлары дәвам итте. Балалар чыгышы күп булды, чөнки Затон үзенең бию коллективлары, солистлары, хоры белән дан тота.

Биредә үк стадионда эшмәкәрләр үз рәтләрен җәеп җибәргән иде. Балалар һәм өлкәннәр өчен күптөрле мавыктыргыч аттракционнар - батут, тир, электромобильләрдә йөрү оештырылган иде. Сәүдә нокталары бер-берсен бүлдереп тәм-томнар тәкъдим итте. Берникадәр тәнәфестән халык яңадан стадионга чыкты. Көндез Столяров исемендәге мәдәният йорты хезмәткәрләре балалар һәм яшүсмерләр өчен спорт-күңел ачу ярышлары оештырган иде, анда соңрак өлкән тамашачылар да катнашты. Сабан туенда балаларга ошаган аттракционнар биредә дә үз кулланышын тапты.

Кичкә таба стадионга яшьләр җыела башлады. Поселок юбилеен бәйрәм итү программасына рок-концерт кертелде. Күптән түгел музыка мәктәбен тәмамлаган кызлар үз төркемнәрен булдыра һәм Кама Тамагында, Тәтештә фикердәшләрен таба. Бу аларның беренче генә концертлары түгел. Кышын идея тамашачыларга ошаган һәм хәзер музыкантлар үз тәҗрибәләрен поселок бәйрәмендә кабатларга уйлаган. Концерт акрынлап дискотекага күчте, Затонда каршы чыгучылар булмады.

Бәйрәмне салют тәмамлады, аны затонлыларга елгачылар бүләк итте. Алар өйләреннән еракта булсалар да, күңелләре белән авылдашлары янында. Үзара сөйләшеп, бүләк ясыйлар - бәйрәм салютына түләгәннәр. Затонлылар әнә шулай бер-берсеннән еракта булсалар да, поселок тормышы белән танышып торалар. Әлеге шатлык уртак булганда яхшы.