Идел таңнары
  • Рус Тат
  • Яңа объектлар – яңа мөмкинлекләр

    Кичә безнең районга Татарстан Республикасы премьер-министры урынбасары - мәгариф һәм фән министры Энгель Фәттахов эшлекле сәфәр белән килде һәм берничә объектта булды. Бу вакытта аны муниципаль район башлыгы Зөфәр Гарәфиев озатып йөрде. Агымдагы елда район үзәгендә һәм Тәмтедә яңа балалар бакчалары төзелде, икесе дә 50шәр урынга, таучылар бистәсе - Тенештә...

    Кичә безнең районга Татарстан Республикасы премьер-министры урынбасары - мәгариф һәм фән министры Энгель Фәттахов эшлекле сәфәр белән килде һәм берничә объектта булды. Бу вакытта аны муниципаль район башлыгы Зөфәр Гарәфиев озатып йөрде.

    Агымдагы елда район үзәгендә һәм Тәмтедә яңа балалар бакчалары төзелде, икесе дә 50шәр урынга, таучылар бистәсе - Тенештә балалар бакча сыкапиталь ремонтланды. Аларның барысының да исемнәре бик матур: "Кояшкай", "Аленушка" һәм "Улыбка", күңелдә җылы хисләр тудыра. Аларны файдалануга тапшыргач, балаларны мәктәпкәчә яшьтәге учреждениеләргә урнаштыру мәсьәләсе хәл ителәчәк. Башта кунаклар Тәмтедә тукталды. Әгәр биредә урта мәктәпне капиталь ремонтлауны да искә алсак, уңышлы мәгариф комплексы барлыкка килгән. Моннан тыш, спорт объектлары да гомуми күренешне тулыландыра. Тәмтедә беренче булып капиталь ремонт ясалган урта мәктәп бинасын карадылар. Кунаклар укыту һәм ярдәмче биналарны карап, укыту барышы белән танышты. Мәктәп директоры Лидия акутина күтәргән сораулар арасында технология һәм аеруча химия кабинетларын җиһазландыру мәсьәләсе бар иде, чөнки әлеге мәктәп озак еллар дәвамында КНИТУ (КХТИ) белән эшлекле элемтәдә тора, химия укытучысы Ләлә Алексеева әлеге фән буенча укучыларны БДИга әзерләү җитәкчесе булып тора. Аннары тантаналы шартларда «Аленушка» балалар бакчасы ачылды (рәсемдә). ТР мәгариф һәм фән министры Энгель Фәттахов балалар бакчасы мөдире Нәгыймә Биккенинага заманча мәгариф җиһазлары һәм техникага алуга сертификат тапшырды. Соңыннан ал тасманы кисеп, чарада катнашучылар заман таләпләренә җавап бирүче бинага узды. Төзүчеләр бакча мөдиренә символик ачкыч бирде. Муниципаль район башлыгы Зөфәр Гарәфиев аларга рәхмәт хатлары тапшырды. Аннары Тенеш поселогында капиталь ремонттан соң «Улыбка» балалар бакчасында булдылар. Кама Тамагы штпдагы «Кояшкай» балалар бакчасын ачу да тантаналы төстә үтте. Мәктәпкәчә яшьтәге мәгариф учреждениеләрен ачуда катнашканнан соң, Энгель Нәвап улы һәм Зөфәр Галимулла улы, шулай ук башка катнашучылар Затон һәм Иске Казиле урта гомуми белем бирү мәктәпләрендә дә булды, анда укыту һәм тәрбия бирү барышы, материаль база, эш шартлары белән танышты

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: