Казанда “Весенние выкрутасы - 2014” исемле балалар һәм яшьләр арасында халыкара иҗади фестиваль-бәйге булды

23 мартта аның сайлап алу туры булды. Анда Казаннан, Ульяннан, Яшел Үзәннән, Чабаксардан, Буаданһәм башка шәһәрләрдән килгән ялгыз җырлаучылар һәм вокаль ансамбльләр катнашты. Әнә шундый аудитория ярышында безнең балалар музыка мәктәбе укучылары мактаулы урыннар яулады: Ксения Юманова бронза лауреаты (җитәкчесе Земфирә Хәйбуллина), Аппалинарий Лазарева I дәрәҗә диплом (җит. Зөлфия Мөхәммәдуллина), Диана Төхфәтуллина II дәрәҗә диплом (җит. Земфирә Хәйбуллина), "Камелия" Вокаль ансамбле II дәрәҗә диплом (җит. Лидия Старшинина), Диана Евсеева дипломга (җит. Земфирә Хәйбуллина) булдылар. Әлеге яшь талантлар киләчәктә мондый бәйгеләрдә катнашып, районыбыз данын лаеклы яклар дип ышанабыз.