Идел таннары
  • Рус Тат
  • Ремонт сезоны

    Быелгы сезонда эшләгән авыл хуҗалыгы машиналарын ГОСТ буенча кышкы саклауга куярга, чәчкечләр, культиваторлар, тырмалар, киләсе елгы эшләрдә кулланылачак башка төр асылма һәм тагылма җиһазларны ремонтларга кирәк.

    Узган атнада район авыл хуҗалыгы берләшмәләрендә техника һәм авыл хуҗалыгы машиналарын саклау, машина-трактор паркларын һәм нефть продуктлары зоналарын үзара тикшерү үткәрелде. Авыл хуҗалыгы һәм азык-төлек министрлыгы белгечләре, «Кама Тамагы» авыл хуҗалыгы предприятиесе вәкилләре һәм башка белгечләр катнашындагы район авыл хуҗалыгы һәм азык-төлек идарәсе җитәкчесе Александр сычев җитәкчелегендәге район комиссиясе Иске барыш, Олы Бортас һәм Карамал бүлекчәләре эшен уңай яктан билгеләп үтте.

    Калган бүлекчләрдә территория коймаларын ремонтлау, үләннәрен чаптыру, тимер калдыкларын чистарту һәм башка кайбер позицияләр буенча проблемалар бар.

    25 октябрьдә икенче кат тикшерү үткәреләчәк. Бу вакыт эчендә ачыкланган кимчелекләрне бетерергә кирәк.

    Районда үзебездә җитештерелгән авыл хуҗалыгы машиналарын ремонтлауны 1 декабрьгә төгәлләү бурычы куелды. Хәзер бу аеруча арзанлы, чөнки көн яктысы әлегә чагыштырмача озын һәм электр энергиясе кышка караганда азрак сарыф ителә. Чит илдә эшләнгән техника өчен ремонт вакыты берникадәр озынрак, чөнки запас частьләр кайтарту проблемасы бар.

    «Кама Тамагы» АХП Олы Салтык бүлекчәсендә авыл хуҗалыгы машиналары ремонтлауга керешкәннәр. Биредә тырмаларны һәм чәчкечләрне актив ремонтлыйлар, Иске Барышта ике культиватор әзерлек сызыгына куелган, Карамал бүлекчәсендә авыл хуҗалыгы машиналарын гадәттәгечә яхшы әзерлиләр.

    «Кама Тамагы» авыл хуҗалыгы предприятиесенең олы Салтык бүлекчәсе инженеры Хәннан Сабирҗанов авыл хуҗалыгы машиналарына ремонт барышын даими контрольдә тота. Биредә тырмаларны гадәттәгечә Равил заһретдинов төзәтә. Ул үзе тимерче дә, слесарь да, җыючы да. Тырмаларның яртысыннан артыгы әзер. Калган авыл хуҗалыгы машиналарын өч кеше: Рафис Зарипов, Рамил Зарипов һәм Назыйр Вафин составындагы бригада ремонтлый. Чәчкечләрнең бер агрегатын алар инде ремонтлаган, хәзер икенчесен әзерлиләр. Запас частьләр белән әллә ни проблема юк һәм алар авыл хуҗалыгы машиналарын әзерлек сызыгына вакытында куярбыз, дип ышана.

    Рәсемдә: Хәннан Сабирҗанов һәм Рафис Зарипов ремонтлау мәйданында.

    Нравится
    Поделиться:
    Реклама
    Комментарии (0)
    Осталось символов: