Матур тормышка лаек алар

Узган җомгада МР башлыгы Зөфәр Гарәфиев Кама Тамагы штпда яшәүче Тимофеева Вера Павловна янында булып, аны 90 яшьлек юбилее белән котлады.

Вера Павловна сугыш ветераннарына бирелгән яңа фатирда оныгы Павел белән яши. Узган гомерен искә төшергәндә, эзсез узмаган авыр еллар аның күзендә яшьләр китерде. "Без кызлар белән пристаньда йөк ташучы булып эшләгәндә (Горькийга җибәргәннәр иде) сугыш башланды. Бер җирдән икенчесенә күчереп йөрттеләр, төрле эш башкардык. Иң куркынычы 1943 елда бомба астына калуыбыз булгандыр. Без пристаньда йоклаган җирдә, бәхеткә, исән калдык, ә менә күпер астында 5 ир-ат үлделәр, ничек кызганыч булды?! Сугыштан алган күңел яралары озак еллар тынгы бирмәде. 1948 елда Камский егете Николай Павлович белән өйләнештек, мин үзем Каратай кызы. Ул баркаста матрос булып эшләде. Бер кыз тәрбияләп үстердек. Валяның ике баласы бар, мин оныгым белән яшим», дип үзе турында сөйләде Вера Павловна. Узган ел "Сугыш ветераннарына торак" федераль программасы буенча яңа йорттан яңа фатирга күченгән. Иркен, якты, җылы фатир аның күңеленә хуш килгән. Кызы әйтүенчә, ул әле кибетләргә чыгып йөри, сирәк булса да базарга бара. "Минем әнием 100 яшенә ике ай тулганчы яшәде,-ди Вера Павловна,-мин, мөгаен, әни ягына тартымдыр". Лаеклы ялга ул клубта техник хезмәткәр булып эшләп киткән, аңа кадәр дәваханә, поселок советында идән юган, мичкә яккан. "Юеш утын ягып җылытулары, кеше йөргәнче чиста булып кипсен өчен иртәнге сәгать 4тә килеп идән юулары аның һәр эшкә намус белән каравын, тырыш хезмәткәр булганын дәлилли. Бу буын кешеләр өлешенә хезмәтнең авыры, язмышның каты сынавы туры килгән шул. Безнең буынга матур тормыш бүләк итү өчен күп тырышканнар, шуңа да без бурычлы аларга.
РФ Президенты котлавын Зөфәр Галимулла улы тапшырды аңа. Имин гомер көзенә лаек алар.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 25 декабрь 2019 - 13:41
    Кама Тамагы: Яңа елны каршылыйбыз
  • 25 декабрь 2019 - 13:40
    "Туган як/ Родной край" форумында катнашучыларны Рудник урта мәктәбенең укытучылар һәм укучылар коллективы җылы каршы алдылар
  • Идел буйлап Рейд
  • Кирельский авылында мәдәният йорты
  • 9 май - Җиңү көне
  • 8 октябрь 2021 - 13:38
    Өлкәннәр ункөнлегендә генә түгел
    Хәзерге вакытта Кама Тамагы районы территориясендә 6 мең пенсия яшендәге граңданин яши. Аларның 166сы – ялгыз, 669ы – ялгыз яшәүче, 1870 кеше – 70 яшьтән, 908 граждан – 80 яшьтән, 186 кеше 90 яшьтән өлкән.
    1035
    0
    0
  • 17 сентябрь 2021 - 09:38
    Якташыбыз истәгенә һәйкәл куелды
    14 сентябрь көнне Олы Кариле авылында якташыбыз – ТАССРның атказанган сәнгать эшлеклесе Сабир Өметбаев һәйкәлен ачу тантанасы булды.
    1807
    0
    0