Идел таңнары
  • Рус Тат
  • Киләчәк яшьләр кулында

    Хәзерге студентчылык - үзеңне күрсәтү һәм карьера үсеше өчен зур потенциал, киләчәккә барлык юллар да ачык булган уникаль ширкәт.

    Узган шимбәдә муниципаль район башлыгы Зөфәр Гарәфиев район мәктәпләрен тәмамлап югары һәм урта махсус уку йортларында белем алуларын дәвам итүчеләр белән очрашты.

    - Бер-берегезне беләсезме? - дип мөрәҗәгать итте Зөфәр Галимуллович педагогика университеты студентларына.

    Тегеләре бер-берсенә карашты, иңнәрен җыерды. Әлеге ВУЗда белем алучы 62 студентның бер-берсен белмәве аңлашылды.

    Район башлыгы яшьләргә берләшү, студентлар якташлыгы булдыру өчен күбрәк инициатива күрсәтергә тәкъдим итте, бу аларга укуда, көнкүрешләрен җайга салуда һәм башка тормышчан хәлләрдә ярдәм итәр иде. Яшьләр эше һәм спорт бүлеге студентлар һәм чыгарылышлар белән эшләү буенча озак вакытлы программа эшләргә тиеш.

    Студентларның районда ниләр эшләнүе турында тулы күзаллавы булсын өчен Зөфәр Галимуллович соңгы өч елда башкарылган эшләр турында сөйләде.

    Залда утыручыларның күпчелеге өчен башкарылган эшләр күләме чын ачыш булды.

    Хезмәт хакы арту, гипс руднигы иң югары күрсәткечнең берсенә ирешкән, Сөйки кичүендә куәтле гипс эшкәртү заводы төзелеше алып барган сәнәгать тармагы эше, авыл хуҗалыгы, гаилә фермалары үсү һәм үзмәшгульлек мөмкинлекләре, капиталь ремонт һәм торак төзелеше, шул исәптән ветераннар өчен, юллар һәм күперләр төзелеше, социаль-көнкүреш-мәдәни объектларга капиталь ремонт, туризмны үстерү һәм эшчәнлекнең башка юнәлешләрен үстерү мөмкинлекләре турында сүз барды.

    Районда соңгы елларда эшләнгәннәрнең барысы да ВУЗда укуларын тәмамалаган яшь белгечләр кече ватаннарында күңелләренә ошаган эш табар, дигән өмет уята.

    МР Советы аппаратының оештыру бүлегенең СМИ белән эшләү буенча баш белгеч Регина Нуриева яшь белгечләрне районга җәлеп итү, социаль челтәрдә район тормышын яктырту турында сөйләде. Ул шулай ук «Башкаладан 112 километр... Кама Тамагы районы яшьләре» сайты ачылу турында да әйтеп үтте.

    МР башкарма комитетының яшьләр эше һәм спорт бүлеге баш белгече, ирекле «КЛЮЧ» берләшмәсе җитәкчесе Анастасия Берлякова волонтерлык хәрәкәте турында сөйләде, «Команда-2013» (Казанда Универсиада-2013) темасы буенча чыгыш ясады.

    Россия Хокук академиясенең Казан юридик институтының II курс студенты, Куйбышев Затон муниципаль берәмлеге Советы депутаты Элина Фирсова берничә көнүзәк мәсьәләне күтәрде: «Яшьләр - көчле дәүләтнең кадрлар резервы». Проблемалар арасында - студентлар өчен транспортта йөрүгә ташлама булмау, ә бу кече ватанга ешрак кайту мөмкинлегенә йогынты ясый, яшь белгечләр өчен торак, яшьләр өчен ял оештыру, җәйге каникулда эш һәм башкалар.

    Очрашуда быелгы төп сәяси вакыйга - Россия Федерациясе Президентын сайлауны да читләтеп үтмәделәр.

    Район башлыгы, узганга сәяхәт ясап, Россиянең үзгәртеп корудан соң үткән юлы, союз таркалу, ул вакытта илебездә булган хаос турында, икемеңенче елдан башлап илебезнең социаль-икътисадый үсештә булуы турында сөйләде. Ул тавыш биргәндә төптән уйлап эш итәргә кирәклеген ассызыклады, чөнки тормышыбыз, балаларыбыз һәм оныкларыбызның киләчәге шуңа бәйле булачак.

    Рәсемдә: студентларның муниципаль район башлыгы Зөфәр Гарәфиев белән аралашу һәм көнүзәк мәсьәләләрне тикшерү мөмкинлеге булды.

    Нравится
    Поделиться:
    Реклама
    Комментарии (0)
    Осталось символов: