Кышка әзерләнәбез

Бүген район штабы мәдәният, сәламәтлек һәм мәгариф учреждениеләренең яңа җылыту сезонына әзерлеген тикшерүне төгәлли.

Комиссияне муниципаль район башкарма комитет җитәкчесе Илдар Рамазанов җитәкли. Мәктәп, балалар бакчасы, ФАП, китапханәләр, клубларда янгын куркынычсызлыгы, Роспотребнадзор таләпләрен үтәү, агымдагы планлы ремонтны төгәлләү тикшерелде. Мәгариф бүлеге җитәкчесе Илшат Гомәров билгеләп үткәнчә, бүгенге көнгә чарлакларны янгынга каршы сыеклык белән эшкәртү тәмамлана, барлык мәктәп һәм балалар бакчаларында АПСлар куелган. Күләмле ремонт эшләреннән Красновидово мәктәбендә ул тулы көченә бара. Бүген бу максатларга республика бюджетыннан 11,4 млн. сум, район бюджетыннан 1,5 млн. сум акча бүлеп бирелгән. Капремонт программасына кертелгән мәктәпләр өстәмә рәвештә спорт уен кораллары белән җиһазландырылачак. Әлеге эш республикада башланды инде.
Моннан тыш, «Кояшкай» балалар бакчасында түбә ремонтлаган, Тәмте мәктәбе котельнясы түбәсе ябылган. Биредә үк җылылык трассасы җылытылган, 80 метр озынлыктагы территория әйләндереп алынган.
- Агымдагы елда эш урыннарын аттестациялибез, шулай ук энергия саклау һзм энергия нәтиҗәлелегенә анализ ясалачак, - ди Илшат Мәхмүт улы. - Укытучы һәм техник персоналның эш урыннары травма алу куркынычсызлыгына, яктыртылуга, җиһазланышка бәяләнәчәк һ.б.
Моннан тыш, лицензия алган дүрт медицина бүлмәсеннән тыш, Кама Тамагы татар, затон һәм кадет мәктәпләрендә тагын өч бүлмә ачарга кирәк. Моның өчен кирәкле җиһазларның бер өлеше - прививка ясау, беренче медицина ярдәме күрсәтү җыелмасы, күз тикшерү җайланмасы, шулай ук дарулар саклау өчен суыткычлар кайтартылды. Бүген кабинетлар җиһазлау өчен бүлмәләр сайлана.
Рәсемдә: Красновидово мәктәбендә яңа тәрәзәләр куялар, фасадны ремонтлау төгәлләнә.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 25 декабрь 2019 - 13:41
    Кама Тамагы: Яңа елны каршылыйбыз
  • 25 декабрь 2019 - 13:40
    "Туган як/ Родной край" форумында катнашучыларны Рудник урта мәктәбенең укытучылар һәм укучылар коллективы җылы каршы алдылар
  • Идел буйлап Рейд
  • Кирельский авылында мәдәният йорты
  • 9 май - Җиңү көне
  • 8 октябрь 2021 - 13:38
    Өлкәннәр ункөнлегендә генә түгел
    Хәзерге вакытта Кама Тамагы районы территориясендә 6 мең пенсия яшендәге граңданин яши. Аларның 166сы – ялгыз, 669ы – ялгыз яшәүче, 1870 кеше – 70 яшьтән, 908 граждан – 80 яшьтән, 186 кеше 90 яшьтән өлкән.
    640
    0
    0
  • 17 сентябрь 2021 - 09:38
    Якташыбыз истәгенә һәйкәл куелды
    14 сентябрь көнне Олы Кариле авылында якташыбыз – ТАССРның атказанган сәнгать эшлеклесе Сабир Өметбаев һәйкәлен ачу тантанасы булды.
    1520
    0
    0