Кама Тамагында Казанны сайлыйлар!

200 һәм 2000 сумлыкларда Казан күренеше булырга мөмкин. Әлегә 200 һәм 2000 сумлык купюралар тышлыгына нәрсә төшереләсе билгеле түгел. Ләкин моны Россия халкы үзе хәл итәчәк. Шунысы мөһим: Казаныбыз да яңа төр кәгазь акча тышлыгына эләгергә мөмкин. Моның өчен татарстанлыларга тырышырга гына кирәк. Яңа банкнотларның дизайнын билгели торган конкурсны Россия...

200 һәм 2000 сумлыкларда Казан күренеше булырга мөмкин.

Әлегә 200 һәм 2000 сумлык купюралар тышлыгына нәрсә төшереләсе билгеле түгел. Ләкин моны Россия халкы үзе хәл итәчәк. Шунысы мөһим: Казаныбыз да яңа төр кәгазь акча тышлыгына эләгергә мөмкин. Моның өчен татарстанлыларга тырышырга гына кирәк.
Яңа банкнотларның дизайнын билгели торган конкурсны Россия Үзәк банкы игълан итте. Тавыш бирүдә катнашучыларга купюраларда төшереләчәк шәһәрләрне, алардагы истәлекле урыннарны күрсәтергә кирәк.
Тавыш бирүнең беренче этабы «Твоя-Россия.рф» сайтында 28 июньнән алып 28 июльгә кадәр барачак. 5-30 августта үткәреләчәк икенче этабында «Иҗтимагый фикер» фонды 6 мең кеше арасында сораштыру оештырырга ниятли. Аның нәтиҗәләре буенча иң популяр 10 шәһәр һәм аларга кагылышлы 20 символ билгеләнәчәк.
Конкурс җиңүчеләре 5 сентябрь - 5 октябрь аралыгында узачак тавыш бирүнең соңгы этабында билгеләнәчәк. Ул вакытта «Твоя-Россия.рф» сайтында, йә федераль басмалардагы анкеталарны тутырып, тавыш биреп булачак. Моннан тыш, 7 октябрь көнне «Россия 1» телеканалы эфирында SMS аша да тавыш биреп булачак.
Ничек тавыш бирергә?
Бәйгедә Facebook, «ВКонтакте» яки «Одноклассники» cоциаль челтәрләре аккаунтын кулланып, яки мобиль телефоны аша теркәлү узып тавыш бирергә мөмкин.
200 һәм 2000 сумлык банкнотларны 2017 елның ахырына чыгарырга планлаштыралар. «Без тавыш бирүдә катнашкан бар кешенең «бер кешедән - бер тавыш» дигән принцип буенча эш йөртүен телибез. Әмма шул ук вакытта төрле алымнар кулланып һәм сайтта төрлечә теркәлеп тавыш бирүчеләргә каршы була алмыйбыз. Тавыш бирүнең масштабларын исәпкә алсак, мондый төр омтылышлар нинди дә булса әһәмиятле йогынты ясамаячак. Ләкин шул ук вакытта безнең теркәлү системасы «ясалма накрутка»лардан сакларга да ярдәм итә», - ди тавыш бирүне оештыручылар.
Казан төшерелсен!
200 һәм 2000 сумлык купюраларда Татарстан башкаласы, аның тарихи һәйкәлләре дә керергә мөмкин. Моның өчен конкурсның беренче этабында ук Казан һәм аның истәлекле урыннары 5 меңнән күбрәк тавыш җыярга тиеш. Шул очракта гына шәһәребез икенче турга уза ала.
«Бизнес Online» басмасына биргән мәгълүматларда Казан шәһәре муниципаль берәмлеге башлыгы Евгения Лодвигова исә, һичшиксез, Татарстан башкаласын алга чыгарырга кирәк дигән фикердә. «Һәркем танып белгән архитектура корылмаларын - Казан Кремле яки «Казан» гаилә үзәге - истән чыгармаска кирәк. Игенчеләр сараен да һәр кеше таный. Аларның Казан символлары булуын һәркем белә. Казан рәсемнәренең нинди купюрада төшүе мөһим түгел. Бөтен шәһәрлеләр дә шуны аңлый: һәрвакыт кулланылышта булган акчаларда үз шәһәреңне күрсәтү үзе ни тора», - дигән Евгения Лодвигова.
Татарстанлылар һәм республикадан читтә яшәүче милләттәшләребез исә Казан Кремле фонындагы Муса Җәлил һәйкәле өчен тавыш бирергә чакыра. Чөнки бу шәхес - Советлар Союзы Герое исеменә лаек булган бердәнбер шагыйрь.
Хәер, сайлау мөмкинлеге зур. Димәк, Казанның истәлекле урынын алып, тавыш кына биреп, Казанны алга чыгару өчен тырышасы гына кала.
12 июльдә Россия Банкының 200 һәм 2000 сумлык яңа банкнотларны символ куелуга тавыш бирү кысаларында "Богородский рай" КЦСОНда ял итүчеләр катнашында "Без яраткан шәһәребез өчен" дип аталган чара уздырылды. Социаль тернәкләндерү бүлеге психологы Маргарита Матвеева Россиядә беренче кәгазь банкнот барлыкка килү тарихы һәм яңа купюрга символы куелачак шәһәрне сайлау бәйгесенең барлык этаплары турында сөйләде.
Катнашучыларга күргәзмә формасында Россия акча купюрының төрле чордагы номиналлары күрсәтелде.
Чарада катнашучыларның күбесе башкалабызга битараф калмауларын белдереп тавыш бирүдә катнашты. Алар арасында Казаннан Лариса Маслова, Алевтина Котова да бар.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 25 декабрь 2019 - 13:41
    Кама Тамагы: Яңа елны каршылыйбыз
  • 25 декабрь 2019 - 13:40
    "Туган як/ Родной край" форумында катнашучыларны Рудник урта мәктәбенең укытучылар һәм укучылар коллективы җылы каршы алдылар
  • Идел буйлап Рейд
  • Кирельский авылында мәдәният йорты
  • 9 май - Җиңү көне
  • 13 апрель 2020 - 15:22
    6936
    0
    1
  • 13 апрель 2020 - 15:21
    6454
    0
    1
  • 5 июль 2019 - 10:49
    Уведомления В соответствии со ст. 62 Избирательного кодекса Республики Татарстан № 21 –ЗРТ от 07.05.2007 редакция газеты Идел таннары (Волжские зори) (свидетельство о регистрации СМИ ПИ № ТУ16-01032 от 16 мая 2013 года) информирует, что общий объем бесплатной печатной площади, предоставляемой для проведения предвыборной агитации, в период с 10.08.2019 и до 0 часов 07.09.2019 составляет 2752 кв. см.
    6294
    0
    1