Кама Тамагында банкетларда ялган аракы тикшерелә

Татарстанда ялган аракыга каршы көрәш буенча ункөнлек старт алды. Ул 20 декабрьгә кадәр дәвам итә.

Бу вакытта сәүдә, җәмәгать туклануы предприятиеләрен тикшерү кйчәйтелә. Дәүләт алкоголь инспекциясе хезмәткәрләре кафеда үткәрелүче банкетларга аерым игътибар бирәчәк, ведомство белгечләренең моңа хокукы бар. Өстәлләрдә ялган алкоголь табылган очракта административ тикшерүдән соң гаеплеләргә штраф салыначак диде безгә ТР Дәүләт алкоголь инспекциясе Яшел Үзәк территориаль органы контроль-инспекция бүлеге баш белгеч- эксперты Альбина Хафизова. -Гражданнар өчен ул 4-5 мең сум тәшкил итә". Әгәр легаль булмаган алкоголь кеше сәламәтлеге өчен куркыныч дип табыла икән, җинаятьләрне җинаять җәзасы көтә.