Кама Тамагы районы Иске Казиле мәдәният йортында балалар Сабантуе үткәрелде + фото

Иске Казиле мәдәният йортында 1 июнь Халыкара балаларны яклау көненә "Кояшлы булырга тиеш һәр көнебез" дип исемләнгән балалар Сабантуе үткәрелде. Урамда яңгыр явып тору сәбәпле бәйрәмне мәдәният йортында үткәрдек. Балалар сабантуйларда үткәрелә торган барлык ярышларда да бик теләп катнаштылар. Кашыкка йомырка кабып, капчык киеп йөгерү, скакалка сикерү, аркан тартыш, көрәш һәм башка бик кызыклы уеннар. Җыр, биюләрсез дә үтмәде бәйрәм, һәркем үзенең һөнәрен күрсәтте. Соңыннан тәмле коймак белән чәй эчтеләр, бүләкләр өләшенде. Кичәдән һәркем канәгать калды.