Кама Тамагы районы Иске Казиле авылында Ифтар кичәсе булып узды

Изге рамазан аеның соңгы көннәре барганда Иске Казиле авылының урамнарына ямь өстәп, ак яулыклы апалар, әбиләр, түбәтәйле абыйлар, бабайлар авыл клубына агылдылар. Биредә авылның иң өлкән кешесе, сугыш һәм хезмәт ветераны Маннапов Кәлимулла Гайнулла улының матди ярдәме белән ифтар кичәсе үткәрелде. Кирәкле һәм саваплы чараны оештыруны клуб хезмәткәрләре Аскарова Тәслимә...

Изге рамазан аеның соңгы көннәре барганда Иске Казиле авылының урамнарына ямь өстәп, ак яулыклы апалар, әбиләр, түбәтәйле абыйлар, бабайлар авыл клубына агылдылар.


Биредә авылның иң өлкән кешесе, сугыш һәм хезмәт ветераны Маннапов Кәлимулла Гайнулла улының матди ярдәме белән ифтар кичәсе үткәрелде. Кирәкле һәм саваплы чараны оештыруны клуб хезмәткәрләре Аскарова Тәслимә Гали кызы һәм Садриева Лилия Рәшит кызы тулысынча үз өсләренә алдылар. Лилия биредә яңа гына эшли башласа да, үзен актив, уңган, эшен җиренә җиткереп башкаручы буларак күрсәткән. Ул пешереп килгән бәлеш, гөбәдияләр дә телеңне йотарлык иде.

Тәслимә Гали кызы зур эш тәҗрибәсенә ия клуб мөдире буларак авыл халкы арасында зур ихтирам казанды. Авыл яшьләре белән дә, өлкәннәр белән дә уртак телне таба белә ул. Шуңа күрә авылда оештырылган һәр чара уңышлы чыга, күңелләрдә озак саклана. Җирле үзидәрә белән 25 елдан артык җитәкчелек иткән Илдус Хатыйп улы да һәр башлангычны күтәреп ала, ярдәм кулы суза. Авыл активистларыннан ярдәмче коллектив тупланган. Ифтар кичәсен үткәргәндә дә тәмле пирогларын күтәреп , кояштай балкып, Илдар абый кызлары Фирдания белән Рушания килеп керделәр.

Җыелган халык очрашып аралышты, бергәләп намаз укып авыз ачты, үлгән авылдашлары, туганнары рухына дога кылды. Соңыннан оештыручыларга зур рәхмәтләрен җиткерделәр.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 25 декабрь 2019 - 13:41
    Кама Тамагы: Яңа елны каршылыйбыз
  • 25 декабрь 2019 - 13:40
    "Туган як/ Родной край" форумында катнашучыларны Рудник урта мәктәбенең укытучылар һәм укучылар коллективы җылы каршы алдылар
  • Идел буйлап Рейд
  • Кирельский авылында мәдәният йорты
  • 9 май - Җиңү көне
  • 13 апрель 2020 - 15:22
    6910
    0
    1
  • 13 апрель 2020 - 15:21
    6442
    0
    1
  • 5 июль 2019 - 10:49
    Уведомления В соответствии со ст. 62 Избирательного кодекса Республики Татарстан № 21 –ЗРТ от 07.05.2007 редакция газеты Идел таннары (Волжские зори) (свидетельство о регистрации СМИ ПИ № ТУ16-01032 от 16 мая 2013 года) информирует, что общий объем бесплатной печатной площади, предоставляемой для проведения предвыборной агитации, в период с 10.08.2019 и до 0 часов 07.09.2019 составляет 2752 кв. см.
    6281
    0
    1