Гомер көзләрең матур булсын!

Әбиләр чуагының кояшлы, матур бер көнендә Кече Бортас авылында яшәүче Гандәлив Вәлиевага 90 яшь тулу уңаеннан МР башлыгы Зөфәр Гарәфиев аның янында булды һәм РФ Президенты Владимир Путин котлавын, бүләкләр тапшырды.

Гандәлив әби, күз тимәсен, сөбханаллаһ, кунакларны каршы алырга капка төбенә чыккан иде, күңелләре булып түрәләргә рәхмәт әйтеп, уңышлар теләде. Сөйкемле карчыкларның берсе ул, авылда минем тиңдәшләр бар әле, дип сөйләп китте. 10 яшеннән колхоз эшенә, үзе әйтмешли, "кәнсәләр" бакчасын каравылларга баскан, үсә башлагач абыстайларга ияреп башак җыйганнар, шуннан хатын-кыз җилкәсе күтәрә алганын да, көче җитмәстәй эшләрне дә башкарырга тырышкан алар. "Әнә син яздың бит әле, Яңасаладан Рабига апаңны, шуның белән тракторда эшләдек, тик минем кулым шеште, руль артыннан китеп торырга туры килде, - дип сөйләп китте Гандәлив әби, - сугышка беренче киткән яшь егет Фатыйх Гатауллинның «кызлар, сау булыгыз!» дип киткәнен хәтерлим, ул әйләнеп кайтмады". Сугыштан соң шушы авыл егете Әхәт абый белән өйләнешеп, 5 бала тәрбияләп үстергәннәр. Михнәтләрне күп күргән шул тыл ветераны, баһадирдай өч улын, гомерлек юлдашын югалткан ул. "Артта калганны сөйләп бетереп булмый, - ди ул, - бүгенге тормышым шөкер, аяк-кулларым йөртә, киленем Фәридә белән 40 ел инде тату яшибез".
Берүк, кояшлы көннәре күбрәк булсын, ул моңа лаек!

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 25 декабрь 2019 - 13:41
    Кама Тамагы: Яңа елны каршылыйбыз
  • 25 декабрь 2019 - 13:40
    "Туган як/ Родной край" форумында катнашучыларны Рудник урта мәктәбенең укытучылар һәм укучылар коллективы җылы каршы алдылар
  • Идел буйлап Рейд
  • Кирельский авылында мәдәният йорты
  • 9 май - Җиңү көне
  • 8 октябрь 2021 - 13:38
    Өлкәннәр ункөнлегендә генә түгел
    Хәзерге вакытта Кама Тамагы районы территориясендә 6 мең пенсия яшендәге граңданин яши. Аларның 166сы – ялгыз, 669ы – ялгыз яшәүче, 1870 кеше – 70 яшьтән, 908 граждан – 80 яшьтән, 186 кеше 90 яшьтән өлкән.
    930
    0
    0
  • 17 сентябрь 2021 - 09:38
    Якташыбыз истәгенә һәйкәл куелды
    14 сентябрь көнне Олы Кариле авылында якташыбыз – ТАССРның атказанган сәнгать эшлеклесе Сабир Өметбаев һәйкәлен ачу тантанасы булды.
    1704
    0
    0