Урып-җыюдагы вакыйга

Узган атнада "Кама Тамагы" АХПның Кече Салтык бүлекчәсендә комбайнга ут каба. "Свияга" Апас отрядыннан Рамил Мингалиев идарә иткән комбайнның чапкычы җимерелә.

Ул аны ремонтлау өчен машина-трактор паркы территориясенә керә. Ремонт барышында электр чыбыгында кыска ялганыш барлыкка килә һәм чапкычка ут каба. Кечесалтыклылар аны мөстәкыйль сүндерә ала, әмма 116нчы янгын коткару бүлегенә дә хәбәр җибәрәләр. Янгын сүндерүчеләр урынга санаулы минутлар эчендә килеп җитә. Комбайнны саклап калалар, агрегатка гына зыян килә.

фото: https://yandex.ru/