Үзсалым акчасын эшкә

Районда авыл һәм шәһәр җирлекләрендә үзсалым акциясе гамәлгә уңышлы куела. Кама Тамагы шәһәр җирлегендә акция кысаларында 648 мең 200 сум акча җыелган. Үзсалымга җыелган акча республика дотациясе белән дүрт тапкырга арттырыла, моңа район үзәгендә кайбер эшләр башкарылачак. Яшьләр урамында юлларны ремонтлау тәмамланып килә. Планда- ике балалар мәйданчыгы төзелеше, Кама Тамагында контейнер мәйданчыклары кую, шулай ук җәяүлеләр юл билгесе яки «ятучы полицейскийлар» куюга тотылачак. Үзсалым акчасына шулай ук зират әйләндереп алыначак һәм җәяүлеләр юлы салыначак.