Зират өстен җыештырдылар

Узган ял көнендә Балтач авылында зират өстен чистарту өмәсе булды.

Халык күп җыелган иде. Анда олысы да, кечесе дә катнашты. Каты-кураны җыештырдылар, корыган ботакларны кистеләр, чүп-чарны җыештырдылар, карт һәм корыган агачларны кистеләр "Халык бездә актив, тик менә аларны оештыра белергә генә кирәк, - ди җирлек башлыгы Хәниф Гатауллин. - Быел ярдәмчеләр - ТИҮ барлыкка килде, алар хуҗалык мәсьәләләрендә безнең төп терәк булып тора". Башкарылган эштән барысы да канәгать калды.