Идел таңнары
  • Рус Тат
  • ЮНЕСКОның 1002нче объекты

    20 августта Болгарда тарихи- археология комплексын ЮНЕСКО Бөтендөнья мирас исемлегенә кертү уңаеннан тантаналы чара үткәрелде. Масштаблы тантана ЮНЕСКО генераль директоры Ирина Бокова һәм Татарстан Дәүләт киңәшчесе Минтимер Шәймиев катнашында үтте. Чара Болгар тарихына багышланган пролог белән башланып китте. "Мин башкарылган эшкә тиешле бәя бирергә телим. Ул традицияләрне саклауның ачык мисалы....

    20 августта Болгарда тарихи- археология комплексын ЮНЕСКО Бөтендөнья мирас исемлегенә кертү уңаеннан тантаналы чара үткәрелде.

    Масштаблы тантана ЮНЕСКО генераль директоры Ирина Бокова һәм Татарстан Дәүләт киңәшчесе Минтимер Шәймиев катнашында үтте. Чара Болгар тарихына багышланган пролог белән башланып китте. "Мин башкарылган эшкә тиешле бәя бирергә телим. Ул традицияләрне саклауның ачык мисалы. Сез әлеге мәдәни күптөрлелек белән горурланырга тиеш. Бу тарихи һәйкәл сезнеке генә түгел, бөтендөнья тарихи- археология комплексы. Сезгә шушы комплексны һәм тарихи һәйкәлләрне саклау буенча эшләрне дәвам итү җаваплылыгы йөкләнә," - диде Ирина Бокова. МР башкарма комитеты җитәкчесе Айрат Малюков җитәкчелегендә безнең район делегациясе дә шушы зур масштаблы вакыйга шаһиты булды. Бу көнне инвалидлар җәмгыяте рәисе Анна Зубарева белән 10 кешедән торган төркем дә бирегә килгән иде. "Шундый мөмкинлек биргән өчен район җитәкчелегенә рәхмәт. Тулы экскурсия үтмичә без моннан китмибез. Бер тамчы да армадык, матур тәэсирләр алдык һәм үз Ватаныбыз белән горурланабыз,"- дип үз фикерләре белән уртаклашты ул газета хәбәрчесе белән.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: