Ындыр табагы мөдире

-Ындыр табагы мөдире Виталий Михайлов тәҗрибәле белгеч,-ди АХПның Сөйки бүлекчәсе җитәкчесе Сергей Борисов. -Ындыр табагы көн саен 150 тоннага якын ашлык кабул итә һәм эшкәртә. Калибрлыйбыз, агулыйбыз, саклауга куябыз яки көзге чәчүгә әзерлибез. Орлыкларны Владимир Кузнецов агулый, КЗСта соңгы 10 елда машинист булып Владимир Оленев (рәсемдә) эшли. Җәй көне хуҗалыкта һәрвакы эш табыла, иренмә генә.

Иван Климачев шатландыра. Ул ару-талуны белми туңга сөрә, моңа кадәр пар җирләрен эшкәрткән иде. Бездә басуларда куәтле ике трактор эшли. Берсендә сменалап Дамир Гайнуллитн һәм Рәүф Тимергалиев, ә Иван Клемачев үз тракторында берүзе 12шәр сәгать хезмәт куя. Сезон эчендә алар өчәү 1500 гектар пар җирен эшкәртте. Александр Артамонов һәм Радик Гафаров көзге чәчүгә кереште.