Ураза башланды

Мөхтәрәм дин кардәшләрем, Рамазан ае килеп җитте. Аллаһ сөбханәкә вә Тагәлә Коръән-Кәримендә әйтте: «И, иман китергән бәндәләрем, сәламәт, гайрәтле, көчле, куәтле, акыллы хәлегездә Рамазан аена ирешсәгез, ураза тотыгыз». Карагыз, монда милләтләрне дә аермады, ә бары тик иман китереп, мөселман булган кешеләргә эндәште! Пәйгамбәребез галәйхиссәлам мөбарәк хәдисендә әйтте: «Рамазан аенда ураза...

Мөхтәрәм дин кардәшләрем, Рамазан ае килеп җитте. Аллаһ сөбханәкә вә Тагәлә Коръән-Кәримендә әйтте: «И, иман китергән бәндәләрем, сәламәт, гайрәтле, көчле, куәтле, акыллы хәлегездә Рамазан аена ирешсәгез, ураза тотыгыз». Карагыз, монда милләтләрне дә аермады, ә бары тик иман китереп, мөселман булган кешеләргә эндәште!
Пәйгамбәребез галәйхиссәлам мөбарәк хәдисендә әйтте: «Рамазан аенда ураза тотучы бәндәләргә күп сөенечләр бар». Ике зур сөенечкә ия булабыз. Беренчесе: көндез ураза тотканнан соң - ифтар вакытында ризыкка ирешү сөенече. «Әлхәмдулиллах, шушы көннең уразасын тотып, ифтарга ирештем. И раббым, тоткан уразаларымны кабул итсен иде, бәндәчелек белән кылган гөнаһ-хаталарымны тоткан уразаларым бәрәкәтендә ярлыкасын иде», - дип ризыкны «бисмиллә» әйтеп кабуыгыз бик зур сөенеч. «Моннан да атыграк сөенеч юк, - ди пәйгамбәр галәйхиссәлам, - бу кыямәт көнендә Аллаһ хозурына барган вакытта тоткан уразаларыгыз бәрәкәтендә җәннәтләргә ирешүегез».
Аллаһы Тәгалә безнең иманнарыбызны ачлык белән сыный. Бу бик зур сынау, чөнки беркем күрмәсә дә, янында беркем булмаса да, ризык бар. Ләкин Аллаһы Тәгаләнең ризалыгын өмет итеп, ризыктан, хәләл икмәктән тыелабыз.
Рамазан аенда ураза тоткан бәндәләргә күп-күп сөенечләр, вәгъдәләр бар. Ә Аллаһы Тәгалә тарафыннан бирелгән күркәм вәгъдәләрнең иң зурысы: «Рамазан аенда ураза тотучының тоткан уразасы кабул булса, анадан яңа туган бала шикелле гөнаһсыз булып калыр», - диелгән Рәсүлебезнең хәдис шәрифләрендә.
Һәр барыбызның да тоткан уразаларын, укылган тәравихларыбызны да Аллаһы Тәгалә кабул итсен, саулык-сәламәтлек белән гаетләребездә очрашырга насыйп булсын!

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 25 декабрь 2019 - 13:41
    Кама Тамагы: Яңа елны каршылыйбыз
  • 25 декабрь 2019 - 13:40
    "Туган як/ Родной край" форумында катнашучыларны Рудник урта мәктәбенең укытучылар һәм укучылар коллективы җылы каршы алдылар
  • Идел буйлап Рейд
  • Кирельский авылында мәдәният йорты
  • 9 май - Җиңү көне
  • 8 октябрь 2021 - 13:38
    Өлкәннәр ункөнлегендә генә түгел
    Хәзерге вакытта Кама Тамагы районы территориясендә 6 мең пенсия яшендәге граңданин яши. Аларның 166сы – ялгыз, 669ы – ялгыз яшәүче, 1870 кеше – 70 яшьтән, 908 граждан – 80 яшьтән, 186 кеше 90 яшьтән өлкән.
    932
    0
    0
  • 17 сентябрь 2021 - 09:38
    Якташыбыз истәгенә һәйкәл куелды
    14 сентябрь көнне Олы Кариле авылында якташыбыз – ТАССРның атказанган сәнгать эшлеклесе Сабир Өметбаев һәйкәлен ачу тантанасы булды.
    1706
    0
    0