Умарта кортлары гаиләне ныгыта

Наталья һәм Дмитрий Сапуновлар бишенче ел умартачылык белән шөгыльләнә.

Хәзер алар 17 оя умарта кортлары тота. Умарталарны үзләре өчен генә тоталар һәм моңардан ләззәт алулары күренеп тора. Аларның әти-әниләре, әбиләре дә умартачылык белән шөгыльләнгән, бу эш аларга чит түгел. Әлеге гаилә белән аралашканда күзгә ташланганы - аларның бердәм булуы. Мавыгулары уртак эшкә әверелгән, уңышка икесе дә шатлана, проблемалар икесен дә борчый. Әллә бал исе, әллә кызу август ае бәйрәмдә катнашучыларны әлсерәтте, әмма бәйрәмдә катнашучылар йөзендә тынычлык һәм мәхәббәт чагыла иде. Умарталар кәрәзне генә түгел, гаиләләрне дә ныгыта, күрәсең.