Татарстанның Хезмәт министрлыгы кыскартылган эш атнасы турында искәртте

Республика көнен бәйрәм итү уңаеннан, Татарстанда яшәүчеләрне кыскартылган эш атнасы көтә. Бу хакта ТР Хезмәт министрлыгы «Предприятие һәм оешма хезмәткәрләренең күпсанлы мөрәҗәгатьләренә бәйле рәвештә» искә төшерә. «Татарстан Республикасының 1992 елның 19 февралендәге 1448-XII номерлы Кануны нигезендә, Республикада 30 август –Татарстан Республикасы көне - эшләми торган бәйрәм көне», - дип аңлаттылар ведомствоның матбугат хезмәтендә. Моннан тыш, 29 августта эш көне кыскарак булачак.