Тарихны онытмаска иде

(Дәвамы)
20нче гасырның икенче яртысы безнең чордашларны, авыл белән шәһәр арасында зур аерма булганлыктан, авыллардан яшьләрне төрле юллар белән качарга мәҗбүр итте. Шуның нәтиҗәсендә яшь гаиләләр корылмый калды. Авыллар кечерәйде, яки бөтенләй юкка чыкты. Бу язманы укучы булса, анда бик күпләр үз язмышларын төсмерләргә мөмкин. Яшьләрне төрле юллар белән авылга, дөресрәге колхозга бәйләп куярга теләделәр. Болай эшләп хөкүмәт үзе дә ялгышуын аңлады. Авылларда буйдак егетләр күбәйде, әмма аларның кайгылары шешә тирәсендә генә. Авылларда бала елаган тавыш сирәк ишетелә. Тормыш корыр өчен кызлар юк, алар шәһәргә атлыгалар.