Табигать матурлыгы

Бүген яшәү урынын Бөтендөнья саклау көне. Идел-Кама дәүләт табигать тыюлыгы һәм "Түбән Кама" милли паркы ТРда аеруча саклана торган иң зур табигать территорияләренең берсе.

Аңа безнең Долгая Поляна тыюлыгы да керә. Анда килеп кергәч, ниндидер мавыктыргыч әкияткә эләккән кебек буласың. Тыюлык территориясендә матур һәм кызыклы урыннар күп. Җәй айларында гына да бездә 500дән артык кеше кунакта булды. Алар арасында өлкәннәр дә, укучылар да, хәтта бакча балалары да бар. Германия укучылары делегациясе бездә кунакта булып, җылы сүзләр язып калдырды. Районыбызда Лобач тавы, Лабыш таулары, Олы күл, Урман күле, Тәмте кылган далалары, Антон чокырлары, Юрий, Зиновий, Богородский, Коннодол мәгарәләре бар. Әлеге территория фәнни һәм танып белү планында уникаль территория булып тора. ТР табигатен саклау буенча дәүләт инспекторлары аерым сак, үсемлекләр һәм хайваннарның сирәк очрый торган төрләрен саклау буенча зур эш алып бара.