Социаль яклау идарәсе хәбәр итә

"РФда гражданнарга социаль хезмәт алу нигезләре турында"гы федераль законны гамәлгә кую кысаларында бүген теләге кем булган һәр кешенең район һәм республика территориясендә социаль хезмәтләр куючылар, алар күрсәткән социаль хезмәтләр, аларның төрләре, сроклары, тәртибе һәм хезмәт күрсәтү шартлары, әлеге хезмәтләргә тарифлар турындагы мәгълүматларны түләүсез белергә хокукы бар. Шуңа күрә агымдагы елның 1 апреленнән социаль яклау бүлегендә (Кама Тамагы штп, К. Маркс урамы, 2) һәм социаль хезмәт күрсәтү үзәгендә (Кама Тамагы штп. К. Маркс урамы, 56) социаль хезмәтләр күрсәтүчеләр турындагы мәгълүмат белән танышу өчен ТР Хезмәт, мәшгульлек һәм социаль яклау министрлыгы сайтына түләүсез керү өчен компьютерлар куелган.