Солдатларга – йон оеклар

Туган якны өйрәнү музеенда инде берничә ел «Мирас-Наследие» клубы эшли, анда Кама Тамагында яшәүче хатын-кызлар музей хезмәткәрләре белән берлектә кул эшләре  белән шөгыльләнә. Иҗади сәләтләрне үстерү һәм аралашу клуб әгъзаларына  озак яшәүгә илтә торган иҗади тормыш белән яшәү мөмкинлеге бирә.

– «Южная Околица» территориаль-иҗтимагый үзидарәсе советы йон җепләр сатып алды, - диде ТИҮ Советы рәисе, «Мирас-Наследие» клубы әгъзасы Татьяна Мозаффарова. -Һәм без – клубка йөрүчеләр өлешчә мобилизация кысаларында чакырылган ир-егетләргә йон оекбашлар бәйләргә булдык. Яклаучыларыбызга ярдәм итәсебез килә, аларның исән-сау әйләнеп кайтуларын телибез.